Wahudumu wa baa kupata mafunzo maalum ya kuwahudumia wateja wanaokunywa whiski

Meneja Masoko, Omari Salisbury akimkaribisha Balozi wa Kampuni ya Glenmorangie, Niel Hendriksz (kulia), wakati wa mkutano na waandishi wa habariuliofanyika katika hoteli ya Hyatt Regency jijini Dar es Salaam.

WAHUDUMU mbalimbali wa baa nchini, leo watapata mafunzo maalum ya jinsi ya kuwahudumia wateja wanaotumia pombe kali (whiski) kutoka kwa balozi wa balozi wa kinywaji cha Glenmorangie, Niel Hendriksz.

Mafunzo hayo yanalenga upatikanaji wa huduma bora sambamba na uchanganyaji wa kinywaji hicho kwa lengo la kuwafanya wanywaji kupata kinywaji kilicho bora kwa afya zao.

Akizungumza jijini jana, Hendriksz ambaye  yuko nchini kwa ziara ya siku mbili alisema kuwa wameamua kufanya mafunzo hayo ili kuboresha huduma zao na ni njia moja ya kuboresha soko la kinywaji hicho hapa nchini.

Alisema kuwa bidhaa zao zinatengenezwa nchini Scotland, na wamedumu kwa kipindi kirefu katika soko na sasa wameamua kuongeza nguvu kwa upande wa hudhuma.

Mbali na kutoa mafunzo hayo, barozi huyo atawaelimisha wahudumu hao juu ya uelewa kuhusu utumiaji wa vinywaji hivyo katika Ukanda wa Afrika Mashariki.

Alisema kuwa kwenye ziara ya siku tano  katika ukanda wa Afrika Mashariki ambapo hapa nchini atakuwa kwa siku mbili na maunzo mengine atayatoa nchi nyingine.

Alifafanua kuwa atakutana na makundi tofauti ya utoaji wa huduma ya kinywaji chao mbali ya wafanya boashara mbali mbali lwa lengo la kudumisha soko.

“Kutakuwa na nafasi 20 kwa nchi nzima kuhudhuria mafunzo ambapo pia tutabadilishana mawazo na watu mbali mbali ambao ni wadau wa kinywaji chetu," alisema.

Ziara ya  Hendrisksz inatarajia kumalizika  keshokutwa ambapo ataelekea nchini Nairobi kwa mwendelezo wa ziara hiyo Afrika Mashariki.